COMPRAR UN ORDENADOR

MODELOS DE CURRÍCULOS

LIGAZÓN A SCRATCH

NOVO EXERCICIO

Ao rematar coa edición de vídeo imos repasar a edición de imaxe. O exercicio que debes realizar consiste na edición dunha capa dun libro ou dun CD. Escolle un libro que che guste ou o teu albúm favorito e propón un novo deseño para a súa presentación. Preme na imaxe para ver algunhas capas de libros presentadas a un concurso convocado pola Academia Británica de Deseño de Capas.

É HORA DE GASTAR OS AFORROS!!!

 Despois de tantas privacións, chegou o momento de gozar! Conseguiches aforrar 500€ UNHA FORTUNA!!! e tes intención de gastalos nunha gran viaxe coas túas amizades (que tamén teñen 500€ aforrados). 

Queredes ir ao extranxeiro un mínimo de 10 días. Para organizar a viaxe utilizaredes un escritorio virtual onde iredes ligando toda a información útil para a vosa aventura: destino, transporte, aloxamento, sitios de interese, gastronomía...

OLLO, NON VOS PASEDES DO ORZAMENTO!!!

REFLEXIONANDO SOBRE A COMPETENCIA DIXITAL

Despois de ver o vídeo e das reflexións comúns feitas na clase, redacta unha nova entrada no teu blog, na que analices o teu nivel nos distintos aspectos que inclúe a Competencia Dixital. Busca unha imaxe que ilustre as túas reflexións.

NOVO EXERCICIO. "SOMOS PAISAXE"

Tes que editar un cartaz, en formato imprimible, baseándote na frase "SOMOS PAISAXE"

GIF ANIMADO

Tes que editar un gif animado, comeza por algo sinxelo: Abre Inkscape, crea unha forma xeométrica sinxela e vai deformandoa pixel a pixel, vai gardando cada paso en formato .png, lembra que para un segundo de gif necesitas 25 imaxes. Cando remates abre as imaxes como capas nun documento de Gimp, vai a filtros-animación-reproducir, e verás que Gimp converte cada capa nun fotograma da animación, axusta os resultados e garda o documento en formato gif.

ESTE VIDEO TITORIAL PODE AXUDARTE

OLLO!!!

Antes de aplicar a interpolación, fai o seguinte: Selecciona cada un dos textos, convertir en traxectos, desagrupar e despois traxecto combinar. A continuación: Extensiones-xerar dende traxecto-interpolar-cambiar a método 1

OU ISTO...

PERSONALIZANDO O BLOG

Tes que deseñar un fondo para o teu blog. Condicións que debe cumprir:

• Dimensións 1900 x 1700 px
• Non pode ter un peso maior de 300Kb
• Resolución 90ppp
• Non debe estar moi recargado. A función do fondo é acompañar ás entradas.

Despois personaliza a cabeceira editando unha imaxe, duns 800px de ancho e 150-200px de alto e inseríndoa en deseño-cabeceira, lembra marcar a opción "no canto do título e a descrición" e "encoller ata axustar".

CARTAZ "SON DO UMIA"

Tes que deseñar un cartaz para o II Concurso da canción Terras do Umia. O cartaz terá as seguintes características:

• Estará editado usando o Gimp ou Inkscape.
• Usarás a plantilla A3, cunha resolución de 150ppp en Gimp ou A4 con 300ppp en Inkscape.
• A orientación pode ser vertical ou horizontal.
• Aparecerá o texto II FESTIVAL DA CANCIÓN DA COMARCA DO UMIA
• Aparecerá o texto Organizan os Equipos de Dinamización da Lingua Galega "Terras do Umia"

Preme na seguinte ligazón para ver o cartaz do ano pasado

 http://aquisfalamos.wordpress.com/2013/02/25/sondoumia/

DESEÑO DO CARTAZ DO CONCURSO DE MICROTEXTOS

Tes que deseñar un cartaz para o VI concurso de microtextos "Terras do Umia". O cartaz terá as seguintes características:

• Estará editado usando o Gimp ou Inkscape..
• Usarás a plantilla A3, cunha resolución de 150ppp no Gimp ou A4 a 300ppp en Inkscape.
• A orientación pode ser vertical ou horizontal.
• O tema deste ano é NOITE
• Aparecerá o texto VI concurso de microrrelatos e micropoemas "Terras do Umia"
• Aparecerán os escudos dos concellos da coordinadora.
• Aparecerá o texto Organizan os Equipos de Dinamización da Lingua Galega "Terras do Umia"

Preme na imaxe para ver os dos anos anteriores

escudos terras do umia

TITORIAIS INKSCAPE

Están moi ben estes titoriais!

Podes comezar por un dos máis doados (números baixos) e despois tentar facer o xeado, é un pouco difícil pero merece a pena.

CREA O TEU AVATAR CON INKSCAPE

Escolle o titorial (chico ou chica) e crea un avatar que te represente seguindo os pasos. Está en  inglés pero vendo as imaxes queda bastante claro. 

Aquí está o meu avatar

MELLOREIME UN POUQUIÑO CLARO....; )

INKSCAPE BÁSICO

Se queres ir probando co Inkscape, este pode ser un bo titorial de inicio!

Visita o blog do creador do titorial  http://2dgameartforprogrammers.blogspot.com.es/

MICROUNIDADES GIMP

Neste recurso hai actividades de nivel básico, medio e avanzado. Escolle o teu nivel e fai algún dos exercicios propostos. Sube o resultado ao teu blog.

VÍDEOTITORIAL GIMP

EFECTO MAQUETA CO GIMP

Imos traballar distintos filtros, máscara de capa e efectos de cor seguindo este titorial de http://www.jesusda.com/blog/

PROBANDO DE NOVO

Nova entrada de exemplo

COÑECENDO AS TIC

Tedes que buscar a resposta a estas cuestións, decidir como editalas para publicalas no voso blog e despois faremos unha posta en común.